Lukk

Kjøpetilbod til fast pris i prosjekt

Underteikna er kjend med at seljar står fritt til å godta eller forkaste eitkvart bod. Likeins er underteikna klar over at bodet er bindande for meg/oss når det er kome til seljar sin kunnskap. Handelen er juridisk bindande for begge partar dersom bodet vert akseptert innan akseptfristen. Bodgjevar stadfestar å ha motteke komplett salsoppgåve med alle vedlegg samt informasjonsbrosjyra «til kjøpar av nyoppført bustad»

Forbrukarinformasjon ved inngåing av kjøpetilbod

• Alle bod skal vere skriftlege eller skriftleg stadfesta og skal oversendast føretaket signert, på e-post, faks, via vår «gje bod» knapp på nettsidene eller levert til meklar. I tillegg skal det vere kopi av legitimasjon.
• Som bodgjevar kan du krevje å få lagt fram bodjournalen så snart handelen er gjennomført. Innhaldet i bodjournalen er lovregulert, noko som inneber at bodgjevarar må akseptere at opplysningar om bodet kan bli lagt fram for seljar, kjøpar og andre bodgjevarar. Andre bodgjevarar kan få utlevert ein anonymisert bodjournal.

Kostnader ved avbestilling

Ved avbestilling gjeld bustadoppføringslova §§ 52 og 53. Kjøpar kan i samsvar med bustadoppføringslova (bufl) kapittel IV, avbestille bustaden/leilegheita inntil overtaking har funne stad. Ved avbestilling betaler kjøpar etter bustadoppføringslova §54 eit avbestillingsgebyr på 5% av kjøpesummen fram til oppstart betong i den bygningen ein har kjøpt leilegheit i, i staden for erstatning etter §§ 52 eller 53. Bestilte endrings- og tilleggsarbeid skal betalast i si heilheit. Dersom kjøpar avbestiller etter oppstart betong vert seljar sitt krav på vederlag og erstatning fastsett etter reglane i bustadoppføringslova §§ 52 og 53.

• Kjøpar av bustad under oppføring kan avbestille bustaden heilt fram til overtakinga, jamfør bufl § 52, første ledd og § 53.
• Entreprenøren kan krevje skadebot for økonomisk tap så langt forbrukaren rimeleg kunne rekne med tapet som ei følgje av avbestillinga, jamfør bufl. § 53, første ledd. Ved utmålinga gjeld bufl. § 36 tilsvarande.
• I stadenfor erstatning til seljar, kan partane avtale at kjøpar skal betale eit avbestillingsgebyr til seljaren etter § 54.
• Eventuelt vidaresal av seksjonen er ikkje å sjå på som avbestilling

Omkostningar

Det skal i tillegg til kjøpesum betalast 2,5 % dokumentavgift til staten av andel tomtekostnad, tinglysingsgebyr skøyte ( kr. 585,- ) og tinglysingsgebyr pr. panterettsdokument kr 697,-. Ein tek atterhald om endringar av omkostningane som følgje av politiske vedtak eller lovendringar.

Kvitvasking

Etter lov om kvitvasking og terrorfinansiering har meklar ei plikt til å gjennomføre kundekontroll på grunnlag av gyldig legitimasjon. Meklar har vidare plikt til å melde frå til Økokrim om eigedomshandlar som framstår som mistenkjelege. Melding vert sendt til Økokrim utan at partane vert varsla. Meklar har i enkelte tilfelle plikt til å stoppe gjennomføring av ein handel.

Finansieringsbevis

Ved innlevering av kjøpetilbod må det leggjast fram ei stadfesting på finansiering på heile kjøpesummen.

Lukk