Det skjer ting på Førde si nye solside
På Indre Øyrane, som på folkemunne vert kalla indrefileten i Førde sentrum, er det god framdrift i utbygginga av Skudeløken sitt første av tre byggetrinn. Byggetrinn 1 består av garasjeanlegg under bakken og seks bygg over som inneheld leilegheiter i ulike størrelsar, kafé, leilegheitshotell og næringsareal for kontor og ulike servicefunksjonar. Det er garasjeanlegget og bygg A, AH og B som reiser seg først, med forventa ferdigstilling av første del på nyåret og våren 2025.
I Skudeløken er det lagt stor vekt på tilrettelegging og trivsel for alle aldersgrupper. Med bilfrie tun, uteområde med leikeplassar og grøntareal med hagerom, møteplassar og tursti langs løken. Alt innanfor ein kort spasertur til butikkar, handelsenter, restaurantar, teater, helsesenter og treningssenter med meir.
-Vi har allereie seld 22 leilegheiter i Skudeløken, fortel eigedomsmeklaren for prosjektet, Tordis Russøy. Det er ingen ting å sei på engasjementet hennar. – Eg skjønar godt at ein drøymer om ei leilegheit her. Det er ein heilt fantastisk plass, fortset ho. Sjølv om sola er gått ned i Førde sentrum skin ho på Skudeløken. Solmessig ligg området heilt ideelt til.
Unikt miljø med nærheit til alt
Miljøet på Skudeløken blir unikt. Her er både park, padel- og løpebane i direkte nærheit. Det er ein kort gåtur til sentrum på ny gang- og sykkelveg, og du får ei sildrande elv til nabo. – Du kjem deg på shopping på null komma niks, og har alt du treng rundt deg. Kombinert med det fine tunet med store uteområde, hage og kafé, trur eg vi skal leite for å finne noko som er tilsvarande. Det blir altså berre så bra, fortel ho entusiastisk.
Eit produkt av berre sunnfjordingar gir kvalitet i ypparste klasse
Skudeløken blir utelukkande bygd av lokale bedrifter. – Utbyggarane har lagt mykje tid og energi i å finne dei beste løysingane, ikkje berre dei billigaste. Arkitektur, standardar og utemiljø blir difor av høg kvalitet som varer lenge. Det er klart det er meir berekraftig òg, noko som har vore viktig i denne prosessen, fortel Tordis.
Førde sin største parkeringsgarasje
På Skudeløken er ingenting overlate til tilfeldigheitene. Utbyggjarane veit at parkering er ein flaskehals. Difor byggjer dei Førde sin største parkeringsgarasje med kring 100 plassar. Og det berre i første byggetrinn. Her kan bebuarane leige fleire plassar om dei treng det.
Kven er målgruppa for eit slikt prosjekt? – Omtrent alle, fortel Tordis. – Vi har førstegongskjøparar som har funne alt dei ønskte seg her. Dei eldste som har kjøpt hittil er 75, så her er det stor variasjon. Men det er det også i leilegheitene. Her er noko for einkvar livsfase, forklarar ho. På Skudeløken får ein eit vedlikehaldsfritt liv, i trygge og sosiale omgjevnadar.
Vil du sikre deg ei leilegheit før det er for seint? Kontakt Tordis på 481 67 098 / tordis@eigedomsmekling.no