Tage fikk ein knallstart på karrieren

Tage Pettersen byrja å jobbe i Eigedomsmekling Sogn og Fjordane i april, og i juli vart han kåra til månadens meklar. Han fikk dermed ein knallstart på karrieren.

Tage Pettersen byrja å jobbe i Eigedomsmekling Sogn og Fjordane i april, på Førde-kontoret. 

Tage er 26 år og kjem frå Førde. Han tok eigedomsmeklingutdanning i Sogndal. No jobbar han som eigedomsmeklar hos Eigedomsmekling Sogn og Fjordane i Førde, og stortrivast.
– Eg byrja midt i april, og det har gått veldig bra. Marknaden har fungert godt, og det har vore veldig god stemning på kontoret. Eg vart godt teken i mot, og fikk ein pangstart på karrieren -med å bli månadens meklar i juli, seier han.

Lukkeleg tilfeldigheit
At Tage vart eigedomsmeklar var tilfeldig, men ikkje at han skulle jobbe innan sal og service.
– På vidaregåande tok eg media og kommunikasjon i Sogndal. Eg hadde ikkje planar om å studere vidare, i staden vurderte eg å ta ei yrkesfagleg utdanning. Først tok eg eit «friår», der eg jobba på Bjørklund-butikken mor mi dreiv. Medan eg jobba der fikk eg mail frå Høgskulen, som minna om siste søknadsfrist. Eg sjekka katalogen deira, og eigedomsmekling såg kjekt ut. Eg er sosial, likar salsyrket og trivast med folk. Det virka som det kunne passe godt. Eg søkte og fikk studieplass. Og det var full klaff. I løpet av studiet skjønte eg at dette var midt i mi gate: Eigedomsmekling vart noko eg verkeleg ville drive med!

Koronakomplikasjonar
Ferdig utdanna byrja Tage å jobbe for eit anna meklarkontor i Sogndal.
– Så kom koronaen. Min ansvarlege meklar slutta. Kontoret vart midlartidlig stengt, og brått sto eg utan jobb. Eg byrja på Bjørklund igjen, fram til mor mi valte å legge ned butikken. Då starta eg for meg sjølv med å reparere påhengsmotorar og skru motor, seier han og fortel at han parallelt jobba med å få eigedomsmeklarkarrieren på sporet igjen.
– Eg hadde ein dialog gåande med Frank Robert Klakegg, dagleg leiar i Eigedomsmekling Sogn og Fjordane, i over eit halvt år, før eg landa jobben, seier Tage.

Den gode teamkjensla
Etter snart eit halvår i jobben, er han viss på at han har funne både rett yrke og arbeidsgivar.
– Eigedomsmekling Sogn og Fjordane har stor marknadsdel, vi er godt posisjonert i marknaden og har ein god kundebase. Det første som slo meg her er den gode teamkjensla. Meklarane er særs dyktige fagleg, og vi jobbar godt i team. Det er ikkje ein intern konkurranse, vi ønskjer å løfte kvarandre. Det set eg stor pris på, det er ikkje alle i bransjen som tenker slik. Vi har også ein god støttespelar i Sparebanken Sogn og Fjordane, som vi samarbeider godt med. Det er ein styrke. Og ikkje minst leverer vi gode produkt, som vi som jobbar her er stolte over, seier han.

Sosialt, variert og hyggeleg
– Kva likar du best med yrket ditt?
– Salsyrket har alltid fenga meg. Det er interessant å jobbe med folk. Eg er sosial og trivast med varierte kvardagar. Ein sit ikkje berre på kontoret, eg kjem meg heim til folk, pratar med dei og opplev mykje hyggeleg. Du møter ulike historier. opplev mange sider av livet til folk og får hjelpe folk i alle livssituasjonar. Eg er veldig glad i kjensla ein får ta del i når nokon vinn ei bodrunde. Og gleda ein opplev når både kjøpar og seljar er nøgde, og alle partar føler dei har gjort ein god handel. Det er mange oppturar, og så det er noko med dette med å hjelpe to partar med å få til noko som fascinerer meg. Dette er eit serviceyrke, og service set eg ekstremt høgt, seier Tage.

Eit brennande ønskje om å sette spor
Målet hans er å gjere ein så god jobb, at han blir eit naturlig val når nokon skal selje bustad.
– Eg har eit stort ønskje om å gjere det godt i bransjen. Ønsket mitt er å vere ein meklar som folk vil nytte når dei skal selje bustaden sin. Det krev at ein må jobbe mykje, tilby eit godt, trygt og profesjonelt produkt over heile linja, gi kunden gode resultat og yte service ut over det som er venta. Så det er målet mitt, avsluttar han.